感謝當時人對我的信任，能夠留下這些文字，或許我再細心，也只不過觸碰當下情緒的表面。以下兩段文字，希望大家閱讀的時候，嘗試易地而處，想像你若是當時人，會有怎樣的心情。至於批判性的問題，歡迎大家留言，唯適可而止就夠了。
（當時人按保密原則不記名處理）
跳完海，諗左好多野，
係空中飛人第 2 次要直插落水，我之前完全 5 驚，
但係插到落水個下沉左一沉，我好驚，
我好驚個刻我真係會死係公海，好驚係咁掙札，
因為我發覺自己原來根本 5 想死，
我仲有好多野未做，
我仲有我愛同愛我既人係世上，
仲有好多值得我留戀既野係世上，
所以我係咁掙札，
當我攬倒個水泡個時我好開心，
因為我5會死，我仲有機會返去，
原來人面對住大海同大自然真係好緲小，
你 1 個人係大海 5 算得係咩，
就連個浪都大過你，你既一切係咩？
人生係用一個個故事一段段經歷去砌，
5 好以為自己 5 重要，你對某 D 人黎講 5 重要，
但係相對你對某D人黎講係好重要，
同樣道理，某D人對你黎講 5 重要，
某 D 人對你黎講好重要，
成日話想死，當你面臨死既時候，
你先會發覺自己根本5想死，
因為你知道自己仲有好多人未做，
所以大家5好死牙，死前一刻後悔都黎5切，
死左又可以點？可以換倒 D 乜野返黎？
就算換得倒你都冇機會去享受，
都冇機會見倒聽倒，只會有人為你傷心，
全香港既人都會恥笑你死既愚蠢行為...
生命，
總有時候，
我們的心因痛失親愛的人而向神吶喊；
總有時候，
我們因難以承荷的痛苦而跪倒於地；
總有時候，
苦難剝奪了生命的美麗與歡愉，
徒留慘境、失望，與懷疑。
無人倖免，對吧？
然而我們面對苦難的時候，
當中可有怎麼樣的秘訣？
痛苦只係一場雨，雨過會天晴，當你最失落既時候，其實可以搵朋友傾訴，就算人地俾5倒好好既行動意見你，至少幫你分擔左你個擔子，人真係會舒服 D，又或者大喊一場，不過喊過一次就已經夠，再多既淚水只會令自己記起傷心既事，就算喊到崩潰都5可以選擇死，因為我肯定你死前一刻會後悔，
我經歷過人生低潮，日日都以淚洗面，自殘、喊乜都試過，諗過係天橋跳落去一了百了，見過社工同心理醫生，而家我都仍然可以係到，都係因為我有一班好朋友，佢地日日都有陪住我，我想跳天橋個時有人攬住我 5 俾跳，真係好多謝佢，如果5係我死左好耐，而家我諗番起個時既我，其實真係好幼稚，冇左一個俾我依賴既人就變成咁，冇左一個幸福既家庭我就變成咁，仲要話死，其實好無謂，生命冇TAKE TWO係真既，根本我就未遇過美好既野，就要死!？我 5 甘心，我 5 甘心個天咁樣對我，所以我點都要撐過去，我相信我撐得過去個天一定5會虧待我，痛苦只係困難既考驗
正細心閱讀的你，若你問我，可有怎樣的出路？恐怕我只得「信仰」作回應。（無他吧，難道幾百年前，學校還沒有社工，學生問題便無法解決？）
若你今天未有信仰，我盼望有天你容讓耶穌基督介入你的生命的傷口。此刻，容我引用昭和老師（我的大學老師）給愛女的話作互勉：
人生本就是雲裡來霧裡去，在有有無無的過程中，生命就改變過來，我知道只有倍加珍惜今天的「有」，才能真誠擁抱明天的「無」。
延伸閱讀：楊腓力《生命總有傷痛時》
書介：作者在痛徹心扉之際，也曾質問過上述問題，穿過黑暗的時刻，他強烈感受到神的懷抱──以屬天的慈柔，成為生命的陽光。生命總有傷痛時，傷痛難免疑問；疑問，其實可以成為盼望，成為得享祂恩典的門戶。（適合所有真誠面對自己，渴望成長的朋友閱讀，反智人仕不宜觀看）
沒有留言:
發佈留言